ქართული ღვინო ვაზისა და ღვინის საერთაშორისო ორგანიზაციაში (OIV) 
Header Image Promo

ქართული ღვინო ვაზისა და ღვინის საერთაშორისო ორგანიზაციაში (OIV)

თარიღი: 2015-04-30

პარიზში, ვაზისა და ღვინის საერთაშორისო ორგანიზაციის (OIV) სათაო ოფისში  ქართული ღვინის პრეზენტაცია საფრანგეთში აკრედიტებული დიპლომატიური კორპუსის, სომელიეების, ენოლოგების, ღვინის ჟურნალისტებისა და ბლოგერების, ასევე UNESCO-ს წარმომადგენლების წინაშე გაიმართა. ღონისძიების ორგანიზატორები იყვნენ ღვინის ეროვნული სააგენტო და საფრანგეთში საქართველოს საელჩო და მას 350 სტუმარი დაესწრო.

ღონისძიების სტუმრებს მისასალმებელი სიტყვით OIV-ის გენერალურმა დირექტორმა ჟან-მარი ორანდმა (Jean-Marie Aurand), საფრანგეთში საქართველოს ელჩმა ეკატერინე სირაძე-დელონემ და ღვინის ეროვნული სააგენტოს თავმჯდომარემ გიორგი სამანიშვილმა მიმართეს. 

ღვინის ეროვნული სააგენტოს თავმჯდომარემ ასევე წარმოადგინა პრეზენტაცია ქართული ვაზისა და ღვინის 8-ათასწლიანი ისტორიისა და კულტურის შესახებ, რამაც პროფესიონალების მხრიდან დიდი მოწონება დაიმსახურა.

წელს ქართული ღვინის გამოფენა-დეგუსტაციაზე წარდგენილი იყო ქართული ღვინის მწარმოებელი 7 კომპანია: „მეღვინეობა ხარება“, „თელიანი ველი“, „თბილღვინო“, „თელავის ღვინის მარანი“, „ჩელთი“, „შუხმან ვაინსი“ და „შატო მუხრანი“.

ქართული ღვინის პოპულარიზაციის და ცნობადობის გაზრდის მიზნით, OIV-ის სათაო ოფისში ქართული ღვინის გამოფენა-დეგუსტაცია გასულ წელსაც გაიმართა.

 

ფოტო გალერეა