რთველის მიმდინარეობა. 05.09.2017 
Header Image Promo

რთველის მიმდინარეობა. 05.09.2017

თარიღი: 2017-09-05

5 სექტემბრის მონაცემებით, კახეთის რეგიონში გადამუშავებულია 5,2 ათასი ტონა ყურძენი. აქედან 1,7 ათასი ტონა რქაწითელი, 2,2 ათასი ტონა საფერავი,  338 ტონა კახური მწვანე, დანარჩენი კი სხვადასხვა ჯიშის ყურძენია. ყურძნის რეალიზაციის შედეგად შემოსავლების სახით 3,54 მლნ ლარია მიღებული.  

ამ ეტაპისთვის რთველის საკოორდინაციო შტაბში დარეგისტრირებულია 89 ღვინის კომპანია. 

ყურძნის გადამუშავების პროცესში უკვე ჩართულია 29 ღვინის კომპანია. 

დაინტერესებულ პირებს რთველთან დაკავშირებული ინფორმაციის მიღება შეუძლიათ სოფლის მეურნეობის სამინისტროს ცხელი ხაზზე - 1501.

მეღვინეობის დარგის არსებული მდგომარეობის გათვალისწინებით, კახეთის რეგიონში 2017 წლის რთველზე ხარისხიან, კონდიცირებულ ყურძენზე სუბსიდიის გაცემის საჭიროება აღარ არსებობს და შესაბამისად მთავრობის განკარგულების თანახმად, აღარ გაიცემა. ამასთან ერთად, ბრენდის წარმოების განვითარების ხელშესაწყობად, ღვინის კომპანიები, რომლებიც საბრენდე სპირტისა და კონცენტრირებული ყურძნის ტკბილის წარმოების მიზნით რქაწითელსა და კახური მწვანის ჯიშის 1 კგ ყურძენს არანაკლებ 70 თეთრად შეისყიდიან, სახელმწიფოსგან კომპენსაციის სახით 35 თეთრს მიიღებენ.

რთველის მიმდინარეობის ინფორმაცია განთავსდება ღვინის ეროვნული სააგენტოს ვებ-გვერდებზე:  http://georgianwine.gov.ge და http://rtveli2017.gov.ge.