რაჭაში რთველი დაიწყო 
Header Image Promo

რაჭაში რთველი დაიწყო

თარიღი: 2014-10-06

რაჭაში რთველის დაწყებასთან დაკავშირებით, რთველის საკოორდინაციო შტაბი ქალაქ ამბროლაურში გაიხსნა. შტაბის გახსნას ღვინის ეროვნული სააგენტოს თავმჯდომარე ლევან დავითაშვილი, სოფლის მეურნეობის სამინისტროსა და ადგილობრივი ხელისუფლების წარმომადგენლები დაესწრნენ.

რაჭაში ყურძნის მიღება-გადამუშავების მზადყოფნა გამოთქვა და დარეგისტრირებულია 14 ღვინის კომპანია. წელს წინასწარი პროგნოზით მუჯურეთულისა და ალექსანდროულის სავარაუდო მოსავალი 800-900 ტონას შეადგენს. წელ რაჭაში მკაცრად კონტროლდება, რომ რეგიონში არ მოხვდეს სხვა ზონიდან შემოტანილი ყურძნის ჯიშები, რათა დაცული იყოს „ხვანჭკარას“ ხარისხი. 

ისევე, როგორც კახეთში, საკოორდინაციო შტაბი რაჭაშიც 24-საათიან რეჟიმში მუშაობს და შარშანდელის მსგავსად, ჩაბარებული ყურძენი, სპეციალური კომპიუტერული პროგრამის მეშვეობით, ერთიან ელექტრონული ბაზაში აღირიცხება. მოქმედებს ცხელი ხაზი - 2 47 01 01, რომელიც 24 საათის განმავლობაში ემსახურება დაინტერესებულ პირებს.
რთველი დასასრულს უახლოვდება კახეთში, სადაც რთველი 2014-ის ფარგლებში გადამუშავებულია 116 ათას ტონაზე მეტი ყურძენი, რეგიონი მოსახლეობის შემოსავლებმა კი რეკორდულ მაჩვენებელს - 155 მლნ ლარს გაააჭარბა.